قوْشا صايتلي سؤزلرين يازيليشي و تلفّوظو

آذربايجان ديلينده بير سێرا قوْشا صايتلي آلينما سؤزلر واردير.

اوْنلاري 2 قروپا آييرماق اوْلار:

1. عيني جينسلي قوْشا صايتلي سؤزلر. اوْنلار اوْلدوغو كيمي يازيلير،

لاكين تلفّوظ زاماني اوْ صايتلردن بيري دۆشور، اوْ بيريسي ايسه اۇزون

تلفّوظ اوْلونور: ساعت - [سا:آت]، معاش - [ما:آش]، جاماعت - [جاما:عت]،

تأسف - [ته:سسوف] و س.

2. تركيبينده مۆختليف جينسلي صايت اوْلان سؤزلر. اوْنلاري دا 2

قروپا آييرماق اوْلار:

آ) تركيبينده مۆختليف جينسلي صايت اوْلان سؤزلر اوْلدوغو كيمي

يازيلير، لاكين تلفّوظ زاماني اوْنلاردان بيري دۆشور، ايكينجيسي ايسه

اۇزون تلفّوظ اوْلونور: مۆعلليم - [مه:لليم]، مۆعاليجه‌‌ - [ما:ليجه]،

سعادت - [سا:دت] و س.

ب) تركيبينده مۆختليف جينسلي صايت اوْلان ائله سؤزلر ده واردير

كي، اوْنلار اوْلدوغو كيمي يازيلير، لاكين تلفّوظ زاماني اوْنلارين

آراسينا بيتيشديريجي «ي» صاميتي آرتيريلير: عائله‌‌ - [آييله]، سيده -

[سييده]، راديوْ - [رادييوْ]، پوْئما - [پوْيئما] و س.

آذربايجان ديلينده ايشلنن آلينما سؤزلرده قوْشا صايتلي و

صاميتلي سؤزلر واردير: جاماعت، ساعت، تعجب، معاش، البته‌‌، حتي،

ستتار و س. قوْشا صاميتلي سؤزلر تۆرك منشأ‌لي ده اوْلا بيلر. مس.:

سككيز، يئددي، دوْققوز، ساققال، چاققال و س.

تاپشيريق. قوْشاسسلي سؤزلره عايد بير نئچه مثال تاپيب جۆمله‌‌ده

ايشله‌دين. بئله سؤزلرين دۆزگون تلفّوظونو اؤيره‌نين.